Rhowch pat hael ar eich cefn Gymru...

mae'r Gymraeg ar i fyny yn ein hysgolion! Ond, faint o rhain sy'n siarad Cymraeg gartref?

6.2% o blant Cymru (13,595 yn 2001) fel a gwestiynwyd fel rhan o sensws ysgolion yr Ystadegau Gwladol.

Ac mae'r ffigwr hyn yn gostwng yn raddol flwyddyn wrth flwyddyn. Ffigyrau sobor iawn, a ffigyrau sydd angen sylw.

Wyddwn i ddim fod hi'n sefyllfa mor ddybryd a hyn a dwi'n hollol isel fy ysbryd rwan.

Diolch, serch hynny, i Blog Menai am dynnu'n sylw i at hyn.

Comments

Cai Larsen said…
Y perygl ydi mai rhith ydi'r holl gamau breision ymlaen mae'r Gymraeg yn ymddangos i fod wedi eu cymryd tros y blynyddoedd diwethaf. Dim byd mwy na crib, pwti a phowdwr ymgymerwr angladdau.

Wedi dweud hynny, mae llawer o bobl nad oeddynt yn siarad y Gymraeg fel mamiaith yn ei defnyddio fel prif gyfrwng rwan. Mae pobl di Gymraeg, a di Saesneg weithiau, wedi priodi i mewn i fy nheulu i (y ddwy ochr)yn gyson ers cenedlaethau - ond Cymry Cymraeg ydym oll.
11/17/2004 08:27:00 PM
cridlyn said…
Ond mae canran y siaradwyr rhugl wedi cynyddu, arwydd efallai o'r ymroddiad gan y rheiny sy'n ddi-Gymraeg eu hunain i anfon eu plant i ysgolion Cymraeg a sicrhau eu bod yn dod yn rhugl. Rwy'n nabod sawl person sy'n dod o gefndir cwbl ddi-Gymraeg ond sydd bellach yn rhugl ac yn defnyddio'u Cymraeg yn ddeheuig o ddydd i ddydd. Dyna'r broblem gyda'r ffigyrau hyn - anodd yw gwneud pen na chynffon ohonyn nhw...
11/18/2004 12:47:00 PM
Nwdls said…
Ie, o'n i'n gweld fod y canran hyn wedi cynyddu'n sylweddol, ond beth yn union mae hyn yn ei olygu? Fydd raid aros 10 mlynedd nes bydd y plant rhugl hyn i dyfu fyny a magu eu plant hwy yn Gymraeg, neu yn y cyfamser fydd pethau yn parhau i ddirywio o ran teuluoedd Cymraeg eu hiaith? Mae'r ystadegau hyn yn rhoi llun o'r 'nawr' yng nghartrefi'r plant a'r dyfodol o ran ein gobaith ond be sy'n annodd yw gweld lle bydd y rhain yn croesi yn y tymor canol.
11/18/2004 12:57:00 PM
Post a Comment

Popular posts from this blog

Nid ffwl Ebrill mo rhain... Necrophilia among ducks ruffles research feathers Randy rock doves join party with the dead ac un am lwc... Farting fish fingered Argol, beth sy'n digwydd i'r byd ma 'dwch?
Read more
Image
Pwy Sgen Ffon-Gamera newydd? La-la-la la la...Dym di dym...Fi! Camera 1.3 MegaPixel (gyda chlawr lens ac aperture priority - pwysig 'chwel), chwaraeydd Mp3's, fideo, radio FM - ffacin'el dwi'n edrych mlaen i ddefnyddio fo. Mae 'na bleser mawr iawn o gael gajets newydd yndoes, ne jest fi dio? Wele yr holl spec ffantastwych ar gyfer y Sony Ericsson S700i fan hyn . Ma'r holl beth o agor y bocs a darllen y cyfarwyddiadau yn fanwl fel bo fi'n gwybod sut ma pob darn yn gweithio ru'n gymaint o hwyl a'i ddefnyddio 'fyd. Argol dwi'n foi trist. Trist ond oblifiys, canys rwyf llon fy myd. Aaa. Dyma ambell lun o'r teclyn tlws:
Read more